Pinadayawan dagiti fans ti rock legend a ni Bon Jovi kalpasan a naallukoy na ti maysa a babae a lumagto kuman iti rangtay.
Mangisaysayangkat iti video shoot ti singer iti John Seigenthaler Pedestrian Bridge idiay Music City, Nashville idi nadlaw na iti maysa a babae nga aggangandat nga agpakamatay ken lumagto kuman manipud idiay railings ti rangtay.
Saan a nagduadua ti rock legend ken dagos na nga inasekgan ti babae.
Ditoy ket nakumbinsir na ti babae a saanen nga ituloy ti lumagto ti nasao nga rangtay.
Kinas-kasao na daitoy agingga nakasangpet dagiti otoridad.
Malaksid iti panagkanta ket pagaammo pay ni Bon Jovi a nalaing a makisao kadagiti tattao nga addaan ti nakaro a depression.
Karaman daitoy iti maisursuro ti JBJ Soul Foundation na.
Kalpasan ti panagwaras ti nadakamat a video ti panangisalakan na, nakagun-od daitoy ti pammadayaw manipud kadagiti fans kasta met kadagiti pada na a signers.
