LA UNION – Kinumpirma ni Defense Secretary Gilberto Teodoro a saanen nga isaapubliko ti gobyerno iti naka-iskedyul a rotation and resupply mission iti BRP Sierra Madre idiay Ayungin Shoal.
Maibasar daytoy iti direktiba ni President Ferdinand Marcos Jr.
Segun kenni Teodoro, napagdesisyunan daytoy ni Presidente Marcos kalpasan a personal a nakasarita na dagiti suldado ti western command partikular dagiti nangisayangkat ti RORE mission idi June 17 a personal a nakapadas ti agresibo nga aksiyon ti China.
Segun kenni Teodoro, a maibasar iti naun-uneg pay a panangadal ken patta-patta, nakita ti gobiyerno a saan nga aksidente ken misunderstanding iti napasamak, ngem ketdi agresibo ken iligal a panangusar ti puwersa iti inaramid dagiti kameng ti Chinese coast guard.
Imbaga pay ni Teodoro a ti nagbalin a waragawag ti National Maritime Council idi Biyernes ket assessment laeng.
Impaganetget ti sekretaryo nga agtaltalinaed ti takder ti Presidente nga agtultuloy nga agsapol ti nakapya a solusyon iti isyu idiay West Philippine Sea (WPS).
