Inwaragawag ni Russian President Vladimir Putin bayat a nakangirsi daitoy a suportaran iti Russia ti kandidatura ni Democratic nominee VP Kamala Harris iti umadani a US presidential election inton Nobiyembre.
Inaramid ni Putin iti waragawag a naangay ti maysa nga economic forum idiay Far Eastern city ti Vladivostok idi Huwebes, sumagmamano nga oras kalpasan a paulogan ti sanctions ken criminal charges ti US Justice Department iti dua a Russian media executives maipapan ti gandat a mangmanipula wenno impluwensyahan ti eleksyon idiay Amerika usar iti pro-Russian propaganda.
Iti nadakamat a forum ket nadamag iti Russian president maipapan iti asideg nga eleksyon idiay Estados Unidos, ditoy a kinunana a ti paborito da a mangabak ket iti nagatras a ni Joe Biden, ken agsipud ta saan a tumaray daitoyen ket nakangirsi na nga inrekomenda ni Harris.
Innayon pay ni Putin nga importate nga agpili dagiti umili ti Amerika a saan nga iti panpanunoten ti Russia.
