Naisublin iti kustodiya ti Bureau of Immigration (BI) ti Russian vlogger a ni Vitaly Zdorovetskiy.
Daitoy ket kalpasan a makabayad isuna iti piyansa kadagiti kaso na nga unjust vexation nga impila ti Taguig City Regional Trial Court (RTC) Branch 153.
Uray pay nakapiyansan ni Zdorovedskiy a nangbastos kadagiti Pilipino kadagiti video contents saan latta naan-anay a makapanaw ti pagilian isuna gapo met iti naisina deportation case. Segun iti Immigration, adda itan iti Custodial Facility ni Vitaly sadiay Camp Bagong Diwa, Taguig city.
Idi Hunyo 11 ket naiyakar ti kustodiya ti Bureau of Jail Management and Penology (BJMP) ti gangganaet a vlogger.
