Naipasubli manen sadiay Bureau of Immigration (BI) holding facility iti lastog a Russian vlogger a ni Vitaly Zdorovetskiy kalpasan a makapiyansa para ti kaso na nga unjust vexation idiay Taguig.
Pagaammo ni Zdorovetskiy kas YouTuber nga agar-aramid kadagiti prank videos. Naarestar isuna kasaruno ti panang-harass ti maysa a guard ken sumagmamano a tattao idiay Bonifacio Global City a rason tapno ideklara isuna kas “undesirable alien” ti Bureau of Immigrations. Agarparang pay iti maysa a petisyon a nangbastos isuna ti mays a surfing instructor idiay Boracay.
Naiyakar isuna idiay BJMP idi Hunyo 11 tapno sumango idiay Taguig RTC Branch 153 ngem kalpasan nga agpiyansa ket naipasubli metlaeng isuna iti BI Warden Facility sadiay Camp Bagong Diwa.
Segun kenni Immigration Commissioner Joel Viado, uray pay nakapiyansa ket agtalinaed latta isuna a nakabalud. Saan a mapalubosan a makasursor iti russian national ken kasapulan na pay nga umun a leppasen ti kaso na sakbay iti deportation.
Sumangsango ni Zdorovetskiy kadagiti tallo a kaso ti unjust vexation ken posible a makulong ti agingga 18 a bulan nu mapaneknekan a guilty. Segun iti DILG, saan a mabalin a maipa-deport isuna agsipud ta tinallikudan daitoy ti nagpada a Russia ken Estados Unidos.
Kinuna met ti abogado na a nakasagan ti Ruso nga agpakawan kadagiti biktima apaman a mapalubosan.
