Suportado ti Safe Schools Philippines (SSP) ti Senate Bill No. 2805 a panggep nga amyendaran ti charter ti Movie and Television Review and Classification Board (MTRCB) tapno masalakniban dagiti ubbing manipud kadagiti delikado nga online contents.
Babaen ti singasing a gakat ket maaddaanen ti bileg ti MTRCB nga irehistro dagiti content provider ken video-on-demand streaming platforms.
Nupay kasta, saan da maet a masakopan ti pre-approval dagiti contents, nu ketdi, tarigagay da a makitinnulong kadagiti streaming companies tapno mabantayan ken mai-report dagiti contents a mabalin a makadakes kadagiti agtutubo.
Segun iti depensa iti grupo, napateg daitoy nga addang para ti proteksyon kontra visual violent, pornography, cyberbullying, ken dadduma pay nga online contents. Nagpanawagan pay ti grupo para ti panagaykaysa ti panangipaay ti natalged ken impormado a media.
‘Kaylangan nating pagkaisahan ang pagbibigay ng ligtas at makabuluhang media content para sa mga bata. Hindi lang ito tungkol sa entertainment — ito’y tungkol sa kinabukasan ng ating kabataan,’ waragawag ti SSP.
Nagyaman met ti SSP iti Senado para ti panangitandudo ti proteksyon kadagiti ubbing ken agtutubo iti kangitingitan ti napartak a panagbalbaliw ti digital media.
