LA UNION – Saan a pattien ni House Murang Pagkain Supercommittee Co-Chair Joey Sarte Salceda (Albay, 2nd district) iti imbaga ti Department of Agriculture (DA) nga awan ti bileg da tapno kontrolen ti presyo ti bagas.
Segun kenni Salceda, in-repaso ti komite dagiti linteg ket rimwar a saan a pudno ngan awan ti maaramidan ti DA tapno kontrolen iti presyo ti bagas.
Imbaga in Salceda a naaramid daytoy daydi sigud a ni President Elpidio Quirino idi 1948 kas sungbat iti nalawa a hoarding ti bagas.
Inallokoy ni Salceda iti DA a sapolen dagiti linteg a dekadan a napasingkedan ken usaren dagitoy tapno tuldukan ti klima iti economic impunity iti rice market.
Impaganetget ni Salceda a rumbeng nga usaren amin a bileg manipud iti post-clearance inspections kadagiti import warehouses, agingga iti random inspections iti merkado.
