Imbasura ti Sandiganbayan ti kiddaw da sigud a Quezon City Mayor Herbert Bautista ken sigud a city administrator Aldrin Cuña a mabaliktad ti pannakaibalud da mainag ti P32.1M a mapagduaduaan a procurement ti digital permit system idi tawen 2019.
Iti nagbalin a desisyon ti korte, napagtalinaed ti sentensya a guilty iti panaglabsing ti Anti-Graft and Corrupt Practices Act ti dua kalpasan nga aprobaran da Bautista ken Cuña ti pakabuklan a bayad ti Geodata Solutions Incorporated para para ti maysa nga online permit system uray saan pay a naan-anay a naideliver daitoy ken adda pay dagiti addaan ti depekto.
Segun iti Sandiganbayan, pinadaras ti dua ti panagbayad, dua nga aldaw sakbay da a naglosolos iti puwesto idi Hunyo 30, 2019 nga uray awan pay ti software component dagiti equipment.
Napaay da pay a madakamat dagiti “red flags” a rason kuma para iti panangpasardeng iti transaksyon.
Kas pannusa, nasentensyaan da ti agingga sangapulo a tawen a pannakaibalud ken multa a P32,107,912.50 kas danyos iti napukaw a pondo.
Malaksid pay kadaitoy a kaso, adda pay ti maysa a sangsangwen a graft case da Bautista ken Cuña mainaig met ti P25.34-M a bayad para iti solar power ken waterproofing project ti maysa a pasdek ti ciudad idi metlaeng tawen 2019.
