BR LA UNION – Immandar ti Sandiganbayan Fifth Division ti 90-days preventive suspension kontra iti tallo nga opisyal ti Department of Public Works and Highways (DPWH) gaputi kaso a plunder ken graft nga adda pakainaiganna iti maipagarop nga anomalya iti flood control project.
Iti dua a nagsina a resolusyon, binilin ti anti-graft court da DPWH district engineers Manny Bulusan ken Arturo Gonzales Jr., ken assistant district engineer Denryl Cortuna a tungpalen iti “cease and desist” iti trabaho wenno anyaman a posisyon iti gobyerno.
Segun iti Sandiganbayan, napateg a masuspinde pay laeng dagiti opisyal tapno saan da a maimpluwensyaan iti imbestigasyon wenno makaaramid pay ti dadduma a posible a panaglabsing bayat nga agtultuloy ti panagdengngeg ti kaso.
Inlawlawag ti korte nga uray nakabalud dagiti akusado, saan nga awtomatiko a masukatan iti mandato ti linteg a mangipawil kadakuada nga akmen ti pagrebbengan da bayat nga adda sangsangwen dagitoy a kaso.
Da Bulusan, Gonzales, ket Cortuna ket kabilang kadagiti co-accused ni senator Jinggoy Estrada iti kaso a plunder gapwanan ti flood control scandal.
Idi Hunyo 16, nangiruar ti Sandiganbayan ti naisina a 90-araw a preventive suspension order kontra kenni Estrada.
Iti agdama, nakabalud dagiti tallo nga opisyal ti DPWH a pakairamanan ni Estrada idiay New Quezon City Jail idiay Payatas, Quezon City.
Immunan a nag-plead “not guilty” dagiti tallo nga opisyal nga adda pakainaiganna iti kaso a plunder ken graft a naidatag kontra kadakuada.
