BR LA UNION – Nangisayangkat iti City of San Fernando Police Station (PS) ti informative lecture maipapan iti Republic Act No. 9165 wenno Comprehensive Dangerous Drugs Act of 2002.
Indaulwan daytoy ni Police Chief Master Sergeant (PCMS) Maria Caridad DJ Godoy, Police Community Affairs and Development Police Non-Commissioned Officer (PCAD PNCO) iti City of San Fernando Police Station, ken pinasetan dagiti miyembro ti Sangguniang Kabataan (SK) ditoy siyudad idi Hunyo 6, 2026.
Nairanta ti aktibidad a mapabileg iti pannakaammo ken pannakaawat dagiti partisipante kadagiti dakes nga epekto ti iligal a droga, dagiti probisyon ti Republic Act No. 9165, ken iti napateg a papel dagiti agtutubo iti panangsuporta kadagiti programa a manglapped iti panagusar ken panaglako ti iligal a droga.
Naibinglay iti lecture ti kinapateg ti aktibo a pannakipaset dagiti agtutubo kadagiti pangkomunidad nga inisyatiba tapno parmeken ti iligal a droga, maprotektaran ti kinatalged iti komunidad, ken pagbalinen a responsable a lider dagiti agtutubo tapno adda kabinnulig iti panangpatibker ti maysa a natalged, natalna ken drug-free a lugar.
