Nailasin a dagiti makunkuna a ‘Santa Ana Winds’ wenno Devil Winds ti makagapu no apay a nakapasar iti nasaknap a wildfires ti Los Angeles, California, USA.
Saan koma a mapaspasaran ti California ti kasta a klase ti paniempo ta kalam-ekna pay laeng ti klima ngem masansan gamin a sumarungkar dagiti devil winds tunggal Enero.
Kinuna ti state weather bureau nga agpaut ti Santa Ana Winds agingga ita a Sabado sakbay a pumanaw kamaudiananna iti teritorio ti Los Angeles, a pagaammo nga addaan iti kasayaatan a paniempo iti intero a pagilian ti Estados Unidos.
Maipalagip nga adu a nalatak a tattao iti Hollywood ti agnanaed ditoy gapu iti kinapintas ti klima na.
Sumagmamano met nga umili ti natay bayat nga adu a pagtaengan, banko, uray dagiti simbaan, ti nadadael gapu iti uram kasta met dagiti nasurok a 30,000 nga umili a naibakwit kadagiti convention centers.
Natakuatan a dagiti Santa Ana Winds ket nagtaud manipud iti nalamiis ken dry high pressure air masses iti Great Basin nga isu ti makagapu dagiti masansan a rugi ti wildfire.
