Nagpakdaar ti Saudi Arabia idiay Iran a seryosuen ti indiaya ni U.S. President Donald Trump para ti maysa a nuclear deal a kasayaatan a wagas tapno malapdan ti gyera kontra Israel.
Impaganetget ni Prince Khalid bin Salman a limitado laeng ti pasensya ni Trump iti atiddog a negosasyon ken mabalin a maikkat ton ti gundaway para ti diplomasya.
Maseknan pay iti Saudi a posible a kumaro ti tensyon sadiay Middle East, a siguden a napakapsot gapo iti gyera idiay Gaza ken Lebanon.
Plano ita a makitaripnong ti Estados Unidos idiay Iran ken plano da a kissayan ti uranium enrichment kasukat ti panangikkat ti economic sanctions kontra ti nasao a pagilian.
Segun met kadagiti opisyales ti Iran, nupay kayat da a maaddaan iti katulagan, saan da nga ipalubos nga ited lattan ti programa da mainaig iti uranium enrichment.
Kabayatanna, nagsapata met ni Prince Khalid a saan a palubosan ti Saudi Arabia nga usaren ti Estados Unidos wenno Israel ti teritoryo da para ti aniaman nga opensiba militar kontra Iran.
Pinaregta na ti Iran a liklikan ti aniaman nga addang dagiti kaalyado da a mabalin nga karurod dagiti adda sadiay Washington.
