LA UNION – Saan a pinatgan ti Korte Suprema iti writ of amparo nga indatag ti kampo ni sigud a presidential spokesperson Atty Harry Roque.
Maipalagip nga indatag ti anak na iti nasao a petisyon tapno kumiddaw ti special protection para kenni Roque iti tarigagay a malapdan ti panangpilit kenkuana ti Quad Committee ti Kamara a padar-ayen daytoy kadagiti panagdengngeg.
Naidatag daytoy idi Setyembre 23 ken inruar ti korte suprema iti desisyon idi kalman.
Depensa ti kampo ni Roque iti naidatag a petisyon, a rebbeng na a respetuen iti legislative inquiry ti karbengan dagiti indibidwal a maim-imbitaran kadagiti panagdengngeg.
Ngem inlawlawag ni Supreme Court spokesperson Camille Ting, iti scope ti writ for amparo ket limitado laeng para kadagiti extra-judicial killings ken pangta a mangbal-balkot daytoy a saan met a makita iti kaso ni Roque.
Sakbay daytoy ket indeklara ti Kamara ni Atty Roque kas pugante kalpasan ti sumagmamano a gundaway a saan a makita tapno maiserbi koma ti arrest order kontra kenkuana.
Dagiti nasao nga arrest order ket gapwanan ti pannaka-contempt na idiay Kamara kasaruno ti pannakapaay na a mangipakita ti pammaneknek seknan iti maipagarop a panag-dacke ti kinabaknang ti pamilya na.
