BR LA UNION – Nagballaag ni Senior Associate Justice Marvic M.V.F. Leonen ti Korte Suprema kadagiti ‘law students’ seknan iti panagusar iti ‘Artificial Intelligence’.
Pinalagipan na dagitoy a saan unay nga agbalin a ‘dependent’ iti nasao nga ‘advancement’ ti teknolohiya.
Imbaga na pay kadagiti law students a liklikan ti ag-shortcut iti panagadal iti panagusar ti AI.
Impaganetget na iti kinapateg ti panagbasa a nalaing iti pakabuklan a teksto dagiti kaso iti tunggal linya ken by-words.
Kinuna pay ni Senior Associate Justice Leonen, iti kanayon a panagbasa dagiti kaso ket mangted-dalan tapno masanay iti utek dagiti agad-adal ken maasa iti pannaka-awat ti linteg.
Imballaag na pay a nu saan a liklikan ti temptasyon iti panagusar ti Artificial Intelligence ket mabalin a mangparnuay ti ‘digital amnesia’.
Adda posibilidad a malipatan ti maysa nga indbidwal iti impormasyon a naala laeng iti teknolohiya imbes a bukod a kabaelan.
