Kagiddan ti masungad a serrek dagiti estudyante iti pagadalan, adda dagiti sumagmamano a nagannak iti agbirbirok ti nalaka nga school uniform.
Binisita ti Bombo Radyo La Union iti sitwasyon dagiti aglaklako ti uniform idiay old market Siyudad ti San Fernando, La Union.
Maysa kadagiti nakauman ni Amador Beldica, aglaklako ti uniporme. Segun kenkuana, maysa kadagiti mapanpanunotda iti posibilidad nga online class gapu iti krisis ti petrolyo a makaapektar iti negosyo.
Kenuna ni Beldica a saanda pay laeng a naka-rekober iti Pandemya idi napalabas a ket adda manen iti sangsangwen a krisis, ngem gapu ta saan met a matuloy ti online class ita a tawen, mangnamnama ni Beldica nga umado dagiti gumatang kanyada.
Ni Amador Beldica ket 30 a tawenen nga aglaklako ti uniporme sipud idi agad-adal aginggana dimmakel ken naipatawid kenkuana iti puesto.
Kabayataanna, uray pay ado dagiti napadasan a pannubok ni Beldica, saan isuna a simmardeng ti panaglako, gapu ta ammo na a kasapulan ti nagannak ti nalaka a uniporme para kadagiti anak da, a makatulong kanyada a makatipid.
Agtultuloy met iti panagallukoy ni Beldica a saan laeng a kanyana a gumatang ti uniporme no di ket pilyen iti amin, tapno naragsak laeng iti panagbiyag ken agtitinnulong ti tunggal maysa.### (Report by Bombo Alphea)
