LA UNION – Nakagun-od ti Schools Division of La Union ti pammadayaw kas Best in Wrestling.
Daytoy ti naragsak nga impakaammo ni Mr. Mauricio Sao-An, maysa kadagiti assistant iti Region I Athletic Association Meet 2024 ken Tournament Manager ti Wushu Sanda.
Segun ken Sao-An, malaksid ti naiyawid ti Schools Division of La Union a balitok a medalya iti Wrestling ket naiyawid da pay ti silver medal iti Wushu category.
Kunana nga awan met ti naimaldit a “fractured’ nga atleta manipud iti Schools Division of La Union apaman ti pinagleppas ti Region I Athletic Association Meet, no sadinno nga innem nga atleta a nangabak iti wrestling iti manamnama a makibinnalubal iti mapaspasangasangan a Palarong Pambansa.
Inlawlawag na nga apaman ti panangrugi ti klase iti school year 2023-2024 ket rugyan dan ti ag-recruit ken i-train dagiti ubbing.
Mainaig iti daytoy, ket manamnama a dumalan dagiti atleta a napagasatan iti R1AA iti naan-anay ken nainget nga ensayo kas panagsagana iti Palarong Pambansa idiay Cebu City inton Hulyo.
Kabayatanna, maragsakan met nga inbinglay ni Mauricio ti panagyaman na iti nagbalin nga host iti R1AA 2024 ti nasayaat a pinangpasangbay da kadakuada.
