Opisyalen a nagleppas iti search and rescue operations iti narpuog nga under construction building idiay Angeles City kalpasan a pasingkedan dagiti otoridad nga awanen iti senyales iti biag kadagiti debris na ken agturong itan iti operasyon ti retrieval ken clearing efforts.
Segun kadagiti opisyales, natumba iti pasdek agturong iti kadagiti kaabay pay a pasdek isu a narigatan dagiti rescuers a serreken iti site.
Agtultuloy ti koordinasoyn dagiti emergency teams manipud nagduduma nga ahensya kabayatan ti panagsagana para ti panagrekobre kadagiti bangkay dagiti biktima.
Iti agdama ket uppat dagiti kumpirmado a natay, 16 pay dagiti nagaburan a sibibiag, ken 26 met dagiti naispal.
Nakissayan iti bilang ti mapukpukaw kasaruno a pasingkedan ti maysa nga indibidwal nga awan isuna iti pasdek idi napasamak iti insidente.
Manamnama met ti panagimbestigar ken panaggun-od kadagiti material samples manipud iti lugar ti Department of Public Works and Highways ken ti Office of Civil Defense.
Maimbestigaran pay dagiti posible a nagbiddut iti pannakarsuod ti pasdek, nangruna ket awan pay agingga iti agdama ti opisyal a sungbat manipud iti makinkukua kasta met iti contractor.
Segun iti Gobierno-Ciudad ti Angeles, Pampanga, ti kauddian a permit para ti proyekto ket nairuar idi pay tawen 2023, bayat a nangrugi met ti konstruksyon idi tawen 2024.
