LA UNION – Kinarit ni Presidential Adviser on Poverty Alleviation (PAPA) Sec. Larry Gadon iti Korte Suprema nga agbalin a patas ken naingkalintegan.
Inaramid ti sekretaryo iti waragawag kagiddan ti panangidatag na ti disbarment case kontra kenni Vice President Sara Duterte.
Segun kenni Gadon, ditoy a makita nu aramiden ti Korte Suprema nga i-disbar ni Duterte kas iti inaramid da a panang-disbar kenkuana idi napalabas a tawen.
Mangidatag met daytoy ti impeachment case kontra kadagiti justices ti Korte Suprema a saan a mangaksiyon ti petisyon na.
Maipalagip nga idi Hunyo napalabas a tawen ket nangiruar ti Korte Suprema iti pinal a desisyon iti indatag a disbarment case ni Raissa Robles kontra kenni Gadon.
