BR LA UNION – Inbutaktak ni Department of Public Works and Highways Secretary Vince Dizon iti panagdar-ay na iti senate hearing ita nga aldaw, dagiti dadduma pay a nadiskubre nga irregularidad a mapas-pasamak iti baetan ti ahensiya dagiti contractors.
Kinuna na a kadagiti 100 a ghost ken substandard projects a naireport iti opisina da iti napalabas laeng a dua a lawas, kaadwan kadagitoy ket saan a sumur-surot iti umno a proseso ken requirement, a pakaibilangan iti panagala ti building permit.
Karaman kadagiti dinakamat na a lugar a nakitaan ti nasao nga irregularidad ket ti sumagmamano a proyekto ditoy La Union, malaksid laeng idiay Bulacan, Mindoro, Nueva Viscaya, Eastern Samar ken Mindanao.
Maipalagip nga idi Martes, Setyembre 16, 2025 sorpresa a nagturong ditoy La Union ni Secretary Dizon kadwa na ni Baguio City Mayor Benjamin Magalong, a nadutukan kas special adviser iti nabukel nga Independent Commision for Infrastructure (ICI).
