BR LA UNION – Nabotosan manen ni Senador Francis “Chiz” Escudero kas Senate President kalpasan a makagun-od ti 19 a botos, kontra iti 5 botos para kenni Senador Vicente “Tito” Sotto III.
Nakagun-od ti 18 a suporta dagiti senador ni Escudero manipud iti 24 a pakabuklan a bilang dagitoy.
Naisayangkat ti binnotosan iti panaglukat ti regular a sesyon ti 20th Congress ita nga aldaw ti Lunes, Hulyo 28, 2025.
Maibasar iti allagaden ti Senado, iti naabak a kandidato iti nasao nga eleksiyon para iti Senate President ket otomatiko nga agbalin a minority leader.
Ni Senator Vicente “Tito” Sotto III iti Senate Minority Leader ket kadwa na dagiti senador a nangibotos kenkuana kas baro a minorya.
Pakaibilangan da, Senator Risa Hontiveros, Senator Miguel Zubiri, Senator Loren Legarda, ken Senator Ping Lacson.
Kabayatanna, dagiti nagbotos kenni Escudero iti baro a mayorya.
Nabotosan met a Senate Majority Leader ni Sen. Joel Villanueva.
Makadwa na iti grupo da: Senators Bam Aquino, Bato Dela Rosa, Bong Go, Alan Peter Cayetano, Pia Cayetano, JV Ejercito, Jinggoy Estrada, Win Gatchalian, Rodante Marcoleta, Imee Marcos, Lito Lapid, Robin Padilla, Kiko Pangilinan, Erwin Tulfo, Raffy Tulfo, Camille Villar, ken Mark Villar.
Naisayangkat ti eleksiyon sakbay iti maika-uppat nga State of the Nation Address (SONA) ni Presidente Ferdinand Marcos Jr.
Kalpasan ti panagbotos iti presidente ti Senado, simmaruno iti panangbukel dagiti komite ken panangtalantan dagiti gakat para iti baro a sesyon ti Kongreso.
