LA UNION – Nagpanawagan ni Senadora Risa Hontiveros iti Department of Foreign Affairs (DFA) a kanselaren iti Philippine passport ni Alice Guo, kalpasan a nadiskubre a naglibasen ditoy Pilipinas.
Segun kenni Hontiveros, aramiden a null and void a dagus iti passport ni Guo.
Idi kalman ket imbutaktak ni Hontiveros a nakarwaren iti pagilian iti dismissed Bamban Tarlac Mayor a ni Alice Guo.
Impaganetget ti senadora, a saan a makapanaw iti pagilian ni Guo nu awan iti opisyal ti gobyerno a nangtulong kenkuana.
Nagballaag pay ni Hontiveros a saanna a pakawanen dagiti opisyal ti gobyerno a kakutsabo ni Guo iti panaglibas na a rimwar iti pagilian.
