BR LA UNION – Inakusaran ni Senador Imee Marcos iti Malacañang Staff kalpasan nga akusaranna a posible a nagsakit ni President Ferdinand Marcos Jr., gapu iti kinakurang ti umno a panangaywan manipud kadagti tattao iti uneg ti Palasyo.
Iti maysa a Facebook video, imbinglay ni Imee ti kapanunutanna, ken dinamag na nu siasino kadagiti adda iti aglawlaw ti Presidente ti pudno a mangipat-pateg kenkuana.
Innayon pay ti Senadora a ti salun-at ti Presidente ket posible a kimmaru gapu iti kinakurang ti umno nga atensyon.
Inaramid ti Senador iti waragawag kalpasan nga imbaga ni Malacañang Press Officer Claire Castro a ti Presidente ket naipasidong iti medical observation idi Huwebes, kalpasan a makarikna ti discomfort.
Iti video na, inallokoy ni Imee iti kabsatna nga ipangruna ti salun-at ken liklika dagiti tattao iti aglawlaw na, ngem saanna metten a ninaganan dagitoy.
Dinillaw pay ni Imee dagiti indibidwal nga inawaganna a “feeling presidente.”
