Mabalin latta nga awaten ti Commission on Elections (COMELEC) iti certificate of candidacy (COC) ni Senador Jinggoy Estrada apaman nga agkandidato daitoy para ti re-election inton 2028 National Elections.
Daitoy ti inlawlawag ti ahensya kalpasan a maarestar ni Senador Estrada, nga itan ket nakadetene gapo iti kaso a plunder idiay Sandiganbayan.
Segun kenni COMELEC Chairman George Erwin Garcia, saan nga otomatiko a disqualified ni Estrada agingga awan pay iti pinal a panagkeddeng ti manipud Korte Suprema.
Kas maiyannurot iti desisyon iti Korte ket saan a madiskwalipika ti siasinoman a kandidato nga addaan ti kaso agingga’t awan pay ti Guilty Verdict nga adda pakainaigan ti moral turpitude.
Innayon na nga uray pay mangiruaren ti sentensya iti lower court ket maawat latta iti kandidatura ni Estrada agsipud ta mabalin na met nga i-apela ti desisyon idiay Korte Suprema.
