BR LA UNION – Posible nga agbalin a napateg ti botos ni Senador Joel Villanueva iti panagpili ken panangipatugaw ti baro a Senate President iti panaglukat ti baro a sesyon ti Senado.
Maibasar iti report, maibilang ni Villanueva kas posible a maika-13 a botos a kasapolan tapno magun-od ti mayorya iti panagpili ti sumaruno a lider idiay senado.
Kasapolan ti mayorya a suporta manipud kadagiti miyembro tapno mabotosan ti Senate President.
Gaputi dayta, nainget a banbantayan dagiti senador ken political observers iti agbalin a posisyon ken suporta ni Villanueva iti tengnga dagiti isyu seknan iti liderato ti Senado.
Iti agdama, awan pay ti pinal a waragawag ni Villanueva seknan ti agbalin a botos na.
Maipalagip nga iti video message idi Domingo, siniguro ni Senator Joel Villanueva kadagiti miyembro ti Jesus is Lord Church a dumar-ay isuna iti special session ti Kongreso inton Hunyo 17, 2026.
