Impeksa ni Senador Panfilo “Ping” Lacson iti panagsuportana iti kampanya kontra-korapsyon ni Department of Public Works and Highways Secretary Vince Dizon, babaen dagiti natibker nga ebidensya kontra kadagiti korap nga opisyal ti ahensia.
Segun kenni Lacson, agserbi pay daytoy kas ballaag kadagiti dadduma pay nga agplanplano a sumaruno iti madi nga aramid.
Pinalagipan na met iti sekretaryo nga unaen ti panangtaripato iti salun-at na bayat a sungsungbatan iti laban kontra korapsion.
Kabayatanna, rumbeng met a siguraduen iti panangipataw ti dusa manipud iti panangipila ti kaso agingana iti panakaibalud tapno naan-anay a maputed iti iregularidad kadagiti proyekto ti ahensia.
Asideg metten a malpas iti maikadua a paset ti “Flooded Gates of Corruption” ken nakaituding iti panagbetla na inton Setyembre 10.###
