Saan laeng a suspensyon nu di ket ikkaten a dagos ni Senador Raffy Tulfo dagiti agpositibo a staffs na iti panagusar ti ilegal a droga.
Maipasidong ita nga aldaw dagiti staffs ken uray mismo iti senador babaen ti mandatory drug testing ita nga aldaw, Agosto 19, kasasruno iti report a maysa kadagiti staff ti senador ket natakuatan nga adus-usar iti marijuana idiay Senado.
Inlawlawag met ni Tulfo nga nu adda ti agposistibo nga agparehab ket agtalinaed latta a silulukat ti opisina na nga awatem dagitoy bayat a nu ti maysa a senador met iti nagpositibo ket makakaammon iti Ethics Committee a mangisayangkat ti panagdengngeg.
Innayon na pay a saan nga umdas a dagiti laeng empleyado ti Senado ti maipasidong ti drug testing nu di ket rumbeng a mairaman amin a kameng iti gobierno.
Innayon na nga arig na awan iti panagraem iti institusyon ti nagusar ti droga idiay Senado nga isu iti mangim-imbestigar kadagiti madi nga aramid, ngem iti mismo pay a pasdek a napasamak iti iregularidad.
Mainaig iti daitoy ket inwaragawag met ni Senador Juan Miguel Zubiri a masuspindir ken maikkan ti gundaway iti rehabilitation ti siasinoman a staff na nga agpositibo kasta met iti pada na a senador a kunana ket saan a rumbeng a matratar kas kriminal.
Maipalagip nga immunan a naipasidong ni Zubiri ken dagiti 35 a staffs na iti five-panel drug test.
