LA UNION – Pinaglibakan ni Senator Ronald “Bato” Dela Rosa nga adda ammo na iti maipagarop a reward system dagiti police officer a kabilang iti Davao drug war template iti war on drugs ti Duterte administration nga imbutaktak ni retired police colonel Royina Garma iti panagdengngeg ti House Quad Committee idi Biyernes, Oktubre 11.
Iti maysa nga statement, inlawlawag ti senador nga awan ti ideya na iti alegasyon ni Garma nga inadaptar ti Duterte administration iti maaw-awagan a Davao template iti kampaniya kontra ilegal a droga.
Iti salodsod kenni senador dela Rosa nu imbaun isuna ni sigud a Presidente Rodrigo Duterte nga ipatungpal ti rewards system idi isuna pay ti PNP chief, imbaga na nga awan ti kasta a direktiba iti sigud a presidente.
Iti panagdengngeg idi kalman, imbutaktak ni Garma a dagiti pulis a makapatay ti drug suspect ket maikkan ti gunguna.
Kinunana pay a dagitoy ti agplan-plano iti operasyon ken operational expenses.
Imbutaktak ni Garma a tinawagan isuna ni Duterte para iti panangbukel ti task force ken panangusar ti Davao template.
Kinumpirma na pay ti rewards a maipapaay kadagiti police officers a makapatay iti drug operations, ket manipud P20,000 agingga P1 million.
