Kinuwestiyon ni senator-judge Joel Villanueva nu kasatnu a nakailista ti ₱150.76 milyong sales idi 2024 iti Cale88 Foods Corp., maysa a banana chips exporter a maikonkonektar iti business interests ni Atty. Manases “Mans” Carpio, asawa ni Vice President Sara Duterte, nupay awan iti naideklara nga empleyado iti General Information Sheet daitoy.
Iti impeachment trial idi Biyernes, Oktubre 9, kinuna ti BIR witness a ni Atty. Anne Lorraine Garcia-Marquez, nakailanad iti financial statements ti kumpanya iti gastos ti direct labor ken sahod, ngem awan ti detalye iti bilang dagiti mangmangged wenno kontratista.
Nakailista pay iti kumpanya ti ₱6.13 milyon a pannakalugi idi 2024.
Kinuwestiyon met ni Villanueva iti kinaawan dagiti invoice, shipping records, ken dadduma pay a dokumento a sumuporta kadagiti foreign transactions ti kumpanya.
Segun kenni Garcia-Marquez, adda laeng kenkuana dagiti audited financial statements ken income tax return.
Maibasar iti report ti AMLC, nakaawat iti Cale88 ti pakabuklan a ₱319.2 milyon nga inward remittances manipud China idi 2022 agingga 2025.
Inlawlawag ti BIR witness a nakailanad kadagiti financial statements iti kari ti agtultuloy a suporta a pinansyal manipud iti management wenno dagiti managtagikua.
Kinuna ni Villanueva a saan na pay a papagarupen a “kathang-isip” iti operasyon ti Cake88, ngem kayat na a maamwan nu adda iti umdas a mangmangged, supplier, ken aktuwal a produksyon a sumuporta iti naipadamag a sales ken foreign transactions.
