Inlibak ni Attorney Manases “Mans” Carpio ti aniaman a pakainaiganna iti panaglako iti illegal a droga, nga inulitna ti kinuna ti baketna a ni Bise Presidente Sara Duterte a dagiti kasta nga alegasion kontra kenkuana ket politikal ti motibo da.
Tbagbaga ni Carpio dagiti alegasion nga inaramid ti dati a Customs intelligence officer a nagbalin a detainee a ni Jimmy Guban iti imbestigasion ti House idi napan a lawas.
Inakusaran ni Guban da Carpio, ti katuganganna ken ti mammanday-linteg ti Davao City a ni Paolo Duterte ken ti negosiante a ni Michael Yang nga addaan iti P11 billion a gatad ti illegal drug shipment a nakastresk ditoy pagilian idi pay 2018.
Kinuna pay ni Carpio a bayat a kasar isuna iti maysa a pamilia ti politika, saan isuna a pulos a makiraman iti politika wenno polisia ti gobierno.
Nupay kasta, inyebkas ni Carpio ti panagtalekna a saan a masarakan dagiti kameng ti Kamara a makatulong ti testimonia ni Guban.
Kinuna dagiti lider ti uppat a House committees a mangisaysayangkat iti imbestigasion nga awan ti pagbutngan ti pamilia Duterte iti imbestigasion no awan ti ilemlemmeng da.
Siguden a naidarum ni Guban mainaig iti pannakaipatulod ti droga, idi damo, inakusaranna ti padana idi nga opisial ti polisia a ni Senior Superintendent Eduardo Acierto a nangipuslit iti P11 billion a shabu shipment.
Nupay kasta, nag-backpedal ni Guban idi agangay ket kinunana a nagtitinnulongda ken Acierto tapno mapasardeng ti iseserrek ti nadakamat a kargamento.
