BR LA UNION – Saan a pinalubosan ti Senado iti kadawatan para iti Christmas furlough wenno temporaryo a pannakawya-waya ti kontraktor a ni Pacifico “Curlee” Discaya II ken tallo a sigud nga engineer ti Department of Public Works and Highways (DPWH) a karaman iti kontrobersyal a flood control project.
Segun kenni Senate Blue Ribbon Committee Chair Panfilo “Ping” Lacson, inrekomenda na kenni Senate President Vicente “Tito” Sotto III a pagkedkedan iti furlough request ti grupo gaputi security concerns.
Dinakamat ni Lacson iti inwaragawag itay kallabes da Ombudsman Jesus Crispin Remulla ken President Ferdinand Marcos Jr. a mairwar ti arrest warrants kontra kadagiti mairam-aman, sakbay ti paskua.
Karaman kadagiti saan a pinalubosan a makarwar ni Discaya ken nabirngasan a “BGC Boys” nga isuda Brice Hernandez, Jaypee Mendoza, ken Henry Alcantara, agapada a sigud a DPWH engineers.
