Naiserbin ita nga aldaw ti Lunes, Hunyo 8, iti warrant of arrest kontra iti kontratista a ni Curlee Discaya mainaig ti kaso a malversation nga awan iti piyansa na, seknan ti kickback scheme dagiti maanomalya a flood control projects.
Kalpasan a ma-cite in contempt ken maidetene isuna idiay Senado, naipasidong ni Discaya iti kustodiya ti Philippine National Police – Criminal Investigation and Detection Group (PNP-CIDG) ken nailugan ti police mobile agturong idiay Malolos, Bulacan para ti warrant.
Idi met aldaw ti Biernes ket nangiruar ti arrest warrant iti Malolos, Bulacan Regional Trial Court kontra kenni Curlee, kadwa ti asawa na a ni Sarah Discaya ken siyam pay nga indibidwal gapo iti nasao a kaso.
Segun met iti kampo ti Discaya, kinuna ti abogado na a nakalidayan ti agassawa ti posible a pannakaibalud, laksid iti panakitinnulong da iti imbestigasyon.
