Impadamag ti Department of Justice nga agtaltalinaed a ‘no show’ dagiti agasawa a Sarah ken Curlee Discaya.
Daytoy ket kagiddan iti agtultuloy nga imbestigasion maipapan iti flood control scandal ken saritaan maipanggep iti aplikasion nga agpasidong ti witness protection program.’
Segun kenni Prosecutor General Richard Anthony Fadullon, saanen a nagsubli dagiti Discayas sipud iti naudi a panagparangda iti publiko idi Nobiembre 14 kabayatan iti naangay a panagdingeg ti Senate Blue Ribbon Committee.
Isu nga agtaltalinaed a mapagduaduaan iti ‘status’ ti aplikasionda tapno maikunsidera kas ‘state witness’.
Inaklon ni Prosecutor General Richard Anthony Fadullon a saanda a sigurado no ituloy dagiti agasawa a makitinnulong iti departamento, ngem silulukat daytoy no agparangda ken agsubmitir ti salaysay a makatulong iti imbestigasion.
Saan met a dagus a makadesision iti kanito nga agsubmitir ti aplikasion para iti programa iti siasinoman nga agtarigagay nga agbalin kas ‘state witnes’.
Lumasat pay daytoy iti nainget a preseso, ken kasapulan a saan nga dagiti impormasion laeng iti ibinglay Iti ahensia.
Maipalagip a pormal nga inpila ti Ombudsman iti kaso a ‘Malversation’ ken ‘graft’ kontra kenni Sarah Discaya ken nairekomendar a saan isuna a makapagpiyansa.#
