Impaganetget ni Senate President Sherwin Gatchalian a matuloy latta iti impeachment trial ni Bise Presidente Sara Duterte agingga’t adda iti quorum ti Senate impeachment court, nga uray saan a dumar-ay iti defense team.
Segun kenni Gatchalian, adda latta iti depensa nu dumar-ay da wenno saan inton sumaruno a panagdengngeg, ngem kasapulan nga ituloy iti impeachment court ti narugian a proceedings.
Imbatad daitoy ni Gatchalian kalpasan nga iwaragawag ti defense counsel a ni Sheila Sison a ti panagdar-ay wenno partisipasyon ti depensa mangrugi inton Setyembre 28 ket agbalin nga ad cautelam, wenno tapno laeng mapagtalinaed dagiti legal da a karbengan.
Kabayatanna, binigbig ni Gatchalian a mabalin a kumiddaw ti depensa iti Temporary Restraining Order (TRO) idiay Korte Suprema tapno temporario a pamipasardeng ti impeachment trial bayat a matamtaming paylaeng iti problema ti voting threshold ruling.
Nupay kasta ket nakadependir latta daitoy nga addang iti agbalin a sungbat ti Korte Suprema ti agbalin da a petisyon.
