Kinontra ni Senador Bam Aquino ti singasing ni Senadora Risa Hontiveros nga i-ban dagiti online games a saan a tumulong iti imbestigasyon iti napasamak a pammaltog idiay San Jose National High School, Tacloban City, Leyte, idi Hunyo 22.
Imbes a total ban, kinuna iti Senador a nasaysayaat ti kaadda iti “School Safety Act.”
Pagaammo a naimbitaran iti panagdengngeg iti developer ti online game a GoreBox – ngem saan daitoy a nakadar-ay – nupay impeksa na met iti kinasagana a makitinnulong.
Tarigagay ti imbestigasyon a takuaten nu maar-aramat dagiti online games iti “grooming,” manipulasyon, ken “radicalization: kadagiti agtutubo.
Kumiddaw ni Senadora Hontiveros iti tulong sadiay German Embassy ken nagpakdaar iti posible a pagsungbatan ti developer nu saan a makikoordinar iti imbestigasyon.
