Naragsakan ni Senate Committee on Civil Service, Government Reorganization and Professional Regulation Chairman Senator Ramon “Bong” Revilla Jr ti panag-isyu ni Presidente Ferdinand R. Marcos, Jr. ti Executive Order (EO) a panggep nga ingato ti suweldo ken benepisyo dagiti mangmangged ti gobierno.
Iti sidong ti Executive Order 64, sakopen na ti salary adjustment ti amin a civilian government personnel ti Executive, Legislative, Judicial Branches, Constitutional Commission ken dadduma pay nga Constitutional Offices; dagiti Government-Owned or Controlled Corporations (GOCCs) a saan a masakupan ti sidong ti RA 10149 ken EO 150 series of 2021; kasta met kadagiti local government units — aniaman iti appointment status, regular, contractual wenno casual, appointive wenno elective, ken nu full-time wenno part-time.
Malaksid iti updated salary schedule ti government workforce ket makagun-od pay ti tinawen nga Medical Allowance nga ag-gated iti saan a sumurok P7,000 manipud iti Fiscal Year 2025 kas subsidiya iti health maintenance organization (HMO)-type benefit.
Maipatungpal ti nadakamat nga Executive Order ti uppat nga paset a mangrugi iti Enero 1, 2024 para iti umuna a paset, Enero 1, 2025 iti maika-dua, Enero 1, 2026 ti maika-tallo, ken Enero 1, 2027 ti maika-uppat.
Segun pay kenni Revilla, rumbeng laeng a maikkan da iti umento ti sahod kas panagyaman iti serbisyo ken sakripisyo ditoy pagilian.
