Nangipatulod ti mensahe ni Senate Minority Leader Tito Sotto III kenni Senate President Chiz Escudero tapno kiddawen iti liderato ti Senado a mangipatungpal ti madagdagos a mandatory random drug testing kadagiti amin nga empleyado.
Mainaig paylaeng daitoy iti agwarwaras a damag nga adda iti nagusar ti marijuana a maysa nga staff ni Senador Robinhood Padilla iti uneg ti 5th floor comfort room ti pasdek.
Kinuna ni Sotto a nangipatungpal isuna ti mandatory random drug testing kadagiti miembro ti nakangatngato a pagpandayan-liteg idi tawen 2018 nga isuna pay iti Senate President.
Tapno mapagtalinaed iti panagbalin a drug-free workplace ti Senado ket kiniddaw na kenni Escudero a mangisayangkat met ti kapada nga addang kas maiyannurot iti agraraira a polisiya.
Innayon na pay a maipangato daitoy ti moral, integridad, reaksyon, ken panagbalin a progresibo, ken pangraem a nasken ken maobserbaran kadagiti agerserbisyo iti publiko.
Mainaig iti kiddaw ket naawaten ni Escudero ti mensahe ni Sotto ken nagyaman isuna iti inisyatiba kasta met nga impasigurado na iti panagtignay iti issue.
