Pinalag-an ni Senate President Chiz Escudero ti panagbuteng ti publiko maipapan iti blangko a paset ti Bicameral Conference Committee Report ti 2025 National Spending Plan.
Kinuna ni Escudero a saan rumbeng nga agbuteng wenno kabuteng ti amin a committee report.
Awatenna met ti aniaman a petision a mangkuestion kadagiti linteg nga impasa ti Kongreso.
Dinakamat ni Escudero ti naipila a petision iti Korte Suprema babaen ti Davao Representative a ni Isidro Ungab ken ti sigud nga Executive Secretary a ni Vic Rodriguez.
Innayon ti Senate President a ti kasta a panagkuwestyon ket paset ti demokrasia a mangpaneknek nga addaan ti pagilian iti napigsa ken natalged a demokrasia iti aniaman a klase ti linteg maipas-pasa.
