LA UNION – Kinukondinar ni Senator JV Ejercito iti pannakapapatay kenni sigud a La Union 2nd District Congressman Eufranio ‘Franny’ Eriguel idiay ili ti Agoo ditoy probinsya.
Iti pannakiuman kenni Sen. Ejercito, kinuna na nga aglaok a rurod ken liday iti marikrikna na iti pannapukaw iti maysa a nasayaat a gayyem.
Inawagan na pay a takrot ti suspek a nangpapatay iti sigud a kongresista.
Inladawan met ni Sen.Ejercito ti sigud a mammanday linteg a maysa nga nasayaat a gayyem a nakaduana iti House of Representatives isu a saan nga maiparbeng iti brutal a pannakapapatay iti daytoy.
Kabayatan na, napalaos met iti pannakipagladinget ti senador iti naulila a pamilya ni sigud a Congressman Eriguel.
