Alas tres ti parbangon ita nga aldaw ti Biyernes, Oktubre 25, 2024, ket maudi a nasaripatpatan ti Severe Tropical Storm “KRISTINE” {TRAMI} ti kaadayo a 120km Laud Amianan-a-laud ti Bacnotan, La Union.
Kabuyog na ti kapigsa ti angin a dumanon ti 95km/hr asideg ti sentro ken kapegges a dumanon ti 115 km/hr. Aggar-garaw daitoy pa Laud Amianan-a-laud ti kapartak a 25 km/hr.
Makapadas ti napipigsa nga panagtudo ken napegges nga angin ti intero a Luzon ken Western Visayas gapo iti Severe Tropical Storm Kristine.
Partikular a nakaro nga apektaran ti bagyo kadagiti sumarsaruno nga oras ket dagiti lugar ti Metro Manila, Ilocos Region, Cordillera Administrative Region, Zambales, Bataan, ken Cavite.
Iti met Trough wenno tartara-ipos met iti Bagyong Kristine ti mangigubuay ti nalulem a tangatang ken mawaras-waras a panagtudo ken panaggurruod iti pakabuklan nga Visayas ken Mindanao.
Manamnama iti panaglayos ken landslides gapo iti bagyo.
Kabayatanna, iti LPA nga adda iti ruar ti Philippine Area of Responsibility ket naan-anayen a nagbalin nga Tropical Cyclone.
Maudi daitoy a nasaripatpatan ti kaadayu a 2440km Daya ti Eastern Visayas.
Kabuyog na ti kapigsa ti angin a dumanon ti 55km/hr asideg ti sentro ken kapegges a dumanon ti 70 km/hr. Dupdupagen na ti pa-Amianan a direksyon ti kapartak a 25km/hr.
Kabayatanna, nakaibayog met ti Tropical Cyclone Wind Signals ti adu nga probinsya.
Tropical Cyclone Wind Signals No. 2 (LUZON):
Cagayan agaman Babuyan Islands,
Isabela, Quirino, Nueva Vizcaya,
Apayao, Kalinga, Abra, Ifugao,
Mountain Province, Benguet,
Ilocos Norte, Ilocos Sur, La Union,
Pangasinan, Aurora, Nueva Ecija,
Tarlac, Zambales, Bataan, Pampanga,
Bulacan, Metro Manila,
Makin-Amianan a paset ti Cavite
Makin-Amianan a paset ti Rizal
Makin-Amianan a paset ti mainland Quezon
—
Tropical Cyclone Wind Signals No. 1 (LUZON):
Batanes, Rizal, Cavite,
Batangas, Laguna, Quezon,
Occidental Mindoro,
Oriental Mindoro agraman Lubang Islands,
Marinduque, Romblon,
Makin-Amianan a paset ti mainland Palawan
argaman Calamian, Cuyo, ken, Kalayaan Islands,
Camarines Norte, Camarines Sur,
Catanduanes, Albay, Sorsogon,
ken Masbate agraman Ticao ken Burias Islands
—
Tropical Cyclone Wind Signals No. 1 (VISAYAS):
Aklan, Capiz, Antique
agraman Caluya Islands,
Iloilo, Bantayan Islands,
Makin-Laud a paset ti Northern Samar
ken Makin-Amianan a paset Samar
—
Maibasar iti Storm Surge Warning #12 itay alas dos ti parbangon ket namnamaen ti MINIMAL agingga MODERATE Risk ti storm surge iti sumaruno nga 48 nga oras kadagiti barangay nga adda iti coastal areas wenno igid ti baybay.
