Iraman ti House prosecution panel iti impeachment trial ti maysa a court sheriff a sigud a nainaig iti kontrobersyal nga insidente kenni Bise Presidente Sara Duterte.
Maibasar iti pre-trial brief dagiti House prosecutors, karaman ni Abe Andres kadagiti walo a testigo a mangipaay ti testimonya kadagiti alegasyon.
Ni Andres iti sheriff a nangipatungpal ti demolition order idiay Barangay Soliman, Agdao District, Davao City idi tawen 2011, nu sadinno ket naaddaan ida ti komprontasyon iti idi ket Mayora paylaeng a ni Sara Duterte.
Nakagun-od iti sheriff kadagiti sugat kalpasan a dinanog isuna ti Mayora nga idi agangay ket naiturong pay ti ospital.
Segun iti House prosecution panel, mausar iti testimonyana tapno suportaran dagiti alegasyon a possible a panagusar ti kinaranggas ni Duterte.
Karaman pay a testigo ket dagiti dadduma a law enforcement ken periodista nga adda pakainaigan da iti isyu a sakop ti impeachment complaint.
Maysa kadagiti umuna a dakamaten ti prosekusyon ket ti panangpangta ni VP Sara iti biag da Presidente Ferdinand Marcos Jr., First Lady Liza Araneta-Marcos, ken sigud nga House Speaker Martin Romualdez.
Kinuna dagiti prosecutor a tarigagay dagiti testimonya nga ipakita iti sibubukel a basaran dagiti ng impeachment complaints.
