Ni Shiela Guo ket maysa nga umili ti China nga agnagan iti Zhang Mier a “fraudaulent” wenno siuulbod a nakagun-od iti pasaporte ti Pilipinas.
Daytoy ti pinasingkedan dagiti opisyales ti Pilipinas kalpasan ti examination dagiti fingerprints mainaig iti passport records na.
Kinuna ni National Bureau of Investigation (NBI) Director Jaime Santiago nga impakita ti fingerprint analysis a pudno a maymaysa a tao da Guo ken Zhang Mier.
Zhang Mier ti nagan a naiparangarang iti Chinese passport a naala manipud iti alikamen na ken ti kaduana a ni Cassandra Li Ong idi inkustodia dagiti autoridad ti Indonesia.
Nagdalan ni Guo iti inquest proceedings idi Biernes idiay headquarter ti NBI sadiay Siudad ti Manila, maysa nga aldaw kalpasan nga insubli dagiti otoridad ni Ong ditoy Pilipinas manipud Indonesia.
Da Shiela Guo ken Cassandra Ong, ket nagdisso idiay Ninoy Aquino International Airport (NAIA) Terminal 1 idi malem ti Huebes.
Nupay bailable ti kasoda, kuna ti report a mabalin a saan da a mawayawayaan gapu iti arrest warrant nga inruar ti Senado ken House of Representatives kontra kenkuada.
