Agtultuloy ti imbestigasyon ti Police Regional Office IVA iti nakaam-ames a pammaltog sadiay Dasmarinas, Cavite a nakatayan dagiti uppat nga indibidwal pakairamanan ti Barangay Chairman, dua a konsehal ken ti mismo a gunman a pinaltopgan iti bagbagi na.
Dagos nga imbilin ni PRO 4A Director Brigadier General Paul Kenneth Lucas ti napartak a pannakaiyuswat ti imbestigasyon ti Dasmarinas Police Office para ti pannakaresolbar ti insidente.
Iti maysa nga interview ket impeksa ni Lucas ti panangkondenar na iti nakaam-ames pammapatay kadagiti tallo a biktima a puro opisyales ti barangay.
Maibasar iti report ti PNP, napasamak ti insidente pasado alas-otso ti bigat kabayatan ti flag ceremony sadiay Barangay Salitran III iti kellaat a simmangpet ti gunman a sigud a tanod ti barangay ken nangrugi a nangpalpaltog.
Kabayatanna, nagturong ti suspek iti pagtaengan na ken sadiay a nagpakamatay babaen ti panangpaltog metlaeng iti bagbagi na.
Agtultuloy ti panagimbestigar dagiti otoridad ti motibo ti krimen ken nu adda ti kasabwat ti suspek agsipud ta agingga ita ket nakaskasdaaw a mapukpukaw latta ti paltog a naaramat iti krimen.
