Nakasuanen iti siam kadagiti 51 a rayilista a naarestar mainaig dagiti tignay-protesta kagiddan ti State of the Nation Address (SONA) ti Presidente.
Segun ti pulisya, naarestar dagiti suspek gapu ti pagsuot ti maiparparit a balaclava ken panangdadael iti pader ti Meralco Diliman Substation.
Naipasidong dagiti siam iti inquest proceedingsiti Quezon City Prosecutor’s Office
mainaig dagiti reklamo a vandalism, obstruction of justice, resistance and disobedience to a person in authority, malicious mischief, ken dadduma pay a maikonektar a panaglabsing.
Kabayatanna, nawayawayaan dagiti 30 a sabsabali pay a naarestar bayat nga agtultuloy iti imbestigasion bayat a dagiti 12 a menor de edad ket immuna a naiturn over kadagiti nagannak da kalpasan a naipasidong iti medico-legal examination ken profiling.###
