Nakatuding nga agdeklara ti state of calamity ti Probinsya ti Surigao del Norte gapo iti energy crisis nga ingubuay ti makalawas a kaawan ti supply ti kuryente.
Daitoy ket babaen ti panagaramid ti resolusyon tapno masungbatan daitoy kalpasan a maputed ti submarine cable ti Siargao Island Electric Cooperative wenno SIARELCO nga isu’t makagapo nu apay nga agingga ita ket saan pay a naisubli ti kuryente ti nasao a lugar.
Kabayatanna, dakkel met ti panagyaman dagiti residente idiay Dapa, Siargao para iti Bombo Radyo gapo ta naamwan da ti pudno a sitwasyon para iti panangideklara ti state of calamity iti isla da.
Segun kenni Max Anghelo Savandal, malaksid ti kaawan da iti arawaten a pang-komunikasyon, Facebook laeng ken dagiti tsismis a dumanon pay ti maysa bulan ti kaawan da ti supply ti kuryente.
Kabayatanna, saan da met a makatrabaho ti nalimpyo gapo ti limitado laeng dagiti agbalin a generator set iti isla.
