LA UNION – Naarestar ti 69 anyos a sigud nga government employee a sumangsango iti agtutuon a kaso.
Nabigbig iti suspek a ni Francisco Caloloy, addan asawa, ken residente ti Barangay Dili, Bauang, La Union.
Immuna ditoy, nangipaulog ti arrest warrant ti Sandiganbayan 5th Division idiay Quezon City, nga addaan ti petsa a May 11, 2018 gapu iti kaso nga 8 counts of malversation ken 8 counts ti Section 3 iti Paragraph (e) ti RA 3019 wenno Anti graft & Corruption Practices Act.
Dumanon met iti P560,000 ti piyansa ti suspek para iti temporaryo a pannakawayawaya na.
Iti agdama ket agtaltalinaed iti Sandigayan 5th Division idiay Quezon City, ni Caloloy para iti naan-anay a disposisyon.
