LA UNION – Inaresto ken adda itan iti kustodiya iti liderato ti Pasig City Police ti sigud nga aktor a ni John Wayne gapu iti kaso a pammapatay iti gayyem na.
Segun kenni EPD Director PCol. Villamor Tuliao, agarop alas syete idi rabii, maipagarop a pinaltugan ti aktor ti gayyem na idiay Barangay Sagad, Pasig City.
Ginandat ti aktor nga aglibas ngem nakemmeg daytoy iti maysa a motel itay alas sais ti agsapa.
Iti inisyal nga imbestigasyon, agpar-parang a nabayagen nga adda susik da John Wayne ken ti gayyem na, a saan pay a nainaganan.
Naudi a nabuya iti telebisyon ni John Wayne iti FPJ’s Ang Probinsyano idi 2021 agingga 2022 iti karakter a ni Omar.
