Pimmusayen iti nalatak nga Italian designer a ni Giorgio Armani iti edad a nobenta’y uno.
Segun iti kompanya, impaay ni Armani iti maudi a kanito ti biag na iti kompanya ken ado pay dagiti plano nga insagana-na.
Saan met a nadakamat iti rason ti panakatayna.
Nasurok nga innem a pulo ket lima a tawen na iti fashion industry ken nagbalin a men’s wear designer idi 1960 iti nalatak a designer a ni Nino Cerruti.
Nagbalin met a freelance designer kadagiti sumagmamano a fashion houses agingna nangpartuat ti bukodna a brand ken kadua iti partner na a ni Sergio Galeotti idi Hulyo 1975.
Dumanon itan ti nasurok 10 billion dollars iti kinabaknang ti kompanya.
Kabayatanna, nabigbig pay ni Armani kas umuna a designer a nangiparit kadagiti underweight models maniput iti runway kalpas iti panakatay ti modelo a ni Ana Carolina Reston idi 2006 gaputi anorexia nervosa, ken isuna iti adda ti likudan dagiti kawes dagiti sumagmamano a celebrities kas ida Zendaya, Cate Blanchett, Julia Roberts ken Lady Gaga.###
