BR LA UNION – Imbilin ni House Speaker Martin Romualdez nga aramiden a simple ti panangisayangkat iti maikapat nga State of the Nation Address ni President Bongbong Marcos inton Lunes, Hulyo 28.
Segun iti House Speaker, rumbeng nga agserbi nga ehemplo iti Kamara ken liklikan iti nagarbo a SONA nga arigna “fashion show” dagiti mammanday linteg.
Binilin ni Romualdez ni House Secretary General Reginald Velasco a pagtalinaeden iti formal protocols ngem awanen ti red carpet fanfare, fashion coverage ken dadduma pay a kaartehan.
Iti direktiba ni Romualdez kenni Velasco, maipalubos latta iti decorum and tradition ngem simple laeng.
Iti red carpet kunana ket saan nga aramaten “as a platform for display.”
Maipalubos latta dagiti mammanday linteg a ma-inteview ti media nu sumangpet da iti red carpet ngem saan a kasla fashion show.
Impaganetget ni Romualdez, iti panaglukat ti sesyon ti dua a pagpandayan linteg ti Kongreso ket saan a fashion event nudiket working session, ken nasken nga agbalin a sensitibo agsipudta adu nga umili iti biktima ti panaglayos.
