Vineto ni Presidente Ferdinand Marcos Jr., ti singsing a linteg a mangidekdeklara ti Pampanga kas “Culinary Capital” ti Pilipinas.
Segun kenni Palace Press Officer Claire Castro, nupay napintas ti singasing, nalawa ti kultura ti Pilipinas maipapan ti culinary industry.
Nu maipasa daitoy kas linteg ket amangan maaddaan ti diskriminasyon ti dadduma a rehiyon ti Pilipinas ken panunoten dagiti turista a maymaysa a lugar laeng ti mabalin a papanan nga addaan kadagiti nagkakaimas a luto ti pagilian.
Innayon pay ni Castro a kastuy metlaeng ti aramiden ti presidente nu adda daiti sabali a pagilian nga agsingasing para iti panagbalin a culinary capital ti Pilipinas.
Immunan a kinuna ti presidente iti veto message na a naipatulod idiay Malacañang iti Senado ken Kamara idi Marso 12, agkasapulan pay ti umdas a panagadal ken historiko a basaran ti singasing.
Likliklikan pay daitoy ti posibilidad a makarikna ti sakit ti nakem dagiti dadduma a probinsya a nalatak metlaeng iti bukod da a culinary contributions.
