Mangisayangkat ti Social Security System-La Union iti SSS E-wheels Palengke Caravan idiay Bangar, La Union.
Iti nasao nga programa ket maisayangkat inton Hunyo 26,2026 alas otso ti bigat agingga alas tres ti malem idiay Bangar New Public Market.
Tarigagay ti Social Security System-La Union babaen ti SSS E-wheels Palengke Caravan, maiyasideg iti naduma-duma nga serbisyo iti opisina kadagiti residente ti Bangar, La Union ken kadagiti kabangibang nga ili kas iti Balaoan,Sudipen,Luna,Santol ken dadduma pay.
Sumagmamano kadagiti serbisyo nga mabalin a ma-avail ket dagiti sumagannad:
SS Number Issuance
Member Data Change
SS Records & Contributions Verification
Employer Registration
Payment Reference Number Generation
Loan Application
My.SSS Registration and Assistance
General Inquiries
Nagpalagip met iti Social Security System-La Union kadagiti interesado nga dumar-ay ti aktibidad ken tapno ma-avail dagiti nasao nga programa kasapulan laeng nga mangitugot ti valid government identification card wenno valid ID ken dadduma pay nga dokumento a kasapulan.
Silulukat met ti Social Security System-La Union nga mangsungbat kadagiti saludsod mainaig iti nasao a programa.
